УИХ-ын 2020 оны ээлжит сонгууль өнгөрсөн лхагва /2020.06.24/ гарагт болж өндөрлөлөө. Иргэд, сонгогчдоос хамгийн өндөр саналыг авч, ялалт байгуулсан 76 нэр дэвшигчид өчигдөр /2020.06.29/ Сонгуулийн ерөнхий хорооноос УИХ-ын гишүүний үнэмлэхийг гардуулж өгсөн. Улмаар тэд өнөөдөр /2020.06.30/ УИХ-ын гишүүний тангарагаа өргөнө.

Тэгвэл үүнээс өмнө УИХ-ын 2020 оны ээлжит сонгуулийн 21 дүгээр тойрогт ялалт байгуулсан Хотын дарга С.Амарсайхан УИХ-ын гишүүнээр ажиллах болзлыг хангасан тул үүрэгт ажлаа хүлээлгэж өгөхөөр болж байна. Харин дараагийн Хотын дарга тодортол түүний ажлыг Хотын даргын орлогч Ж.Батбаясгалан орлох юм.