“Цар тахлын улмаас өндөржүүлсэн бэлэн байдал зарласантай холбоотойгоор сургууль, цэцэрлэгүүд есдүгээр сарын 1-нд нээлтийн үйл ажиллагаа, ёслолыг уламжлалт хэлбэрээр зохион байгуулахгүй” гэдгийг Эрүүл мэндийн яамны өнөөдрийн ээлжит мэдээллийн цагаар Боловсрол, шинжлэх ухааны яамны Бага, дунд боловсролын газрын дарга Т.Ням-Очир хэллээ.

Мөн сурагчид шууд хичээлдээ орох бөгөөд иймд сургуулиуд өөрсдийн давуу тал, ахмад багш нарын үг, сургаалыг харуулсан видео контент бэлтгэж, хүүхэд, эцэг, эхчүүдэд үзүүлэхийг зөвлөв.