Коронавирусийг хүний гараар Уханийн лабораторид бүтээсэн гэж мэдэгдсэн Хонконгийн их сургуулийн вирус судлаач Ли Мен Янгийн твиттер хаягийг устгасан байна.

Тэрээр Уханийн лабораторид судлах зорилгоор хөгжүүлж байсан вирус санамсар болгоомжгүйн улмаас гадагш алдагдаж, улмаар үүнийгээ дэлхий дахинаас нуусан гэж БНХАУ-ын Засгийн газрыг буруутгасан юм.

Твиттер компани одоогоор чухам юунаас шалтгаалж хаягийг нь устгасан тухай тайлбар хийгээгүй байна.

Вирус судлаач Ли Мен Янг судалгааны тайлан материалаа удахгүй ил болгож нийтэд баримттай мэдээлнэ гэдгээ Fox News телевизийн сувагт ярьжээ. Энэхүү судалгаа нь зөвхөн Ли Мен Янг бус судалгааны багийнхны хамтын бүтээл аж.