Улсын хэмжээнд сүүлийн 24 цагийн хугацаанд хийсэн PCR шинжилгээгээр 13 хүнд коронавирус илэрчээ. 

Эдгээр тохиолдол Улаанбаатар хотод бүртгэгджээ.

ХӨСҮТ-ийн вирус судлалын 2 лаборатори, ЗӨСҮТ болон явуулын 2 лаборатори, НЭМҮТ, Дархан-Уул, Сэлэнгэ аймгийн салбар лабораторид өчигдөр буюу энэ сарын 6-нд нийт 12 200 хүнд шинжилгээ хийсэн  байна. 

Өнөөдрийн байдлаар, манай улсад “COVID-19” халдварын тохиолдол 1362 болжээ.  

ХӨСҮТ, Цэргийн төв эмнэлэг, Хан-Уул дүүргийн 300 ортой эмнэлэг, Сэлэнгэ аймгийн нэгдсэн эмнэлэгт коронавируст халдвартай  462 хүн эмчлүүлж байна. Тэдний 3 нь маш хүнд, 13 нь хүнд, 138 нь хүндэвтэр, 310 хүн хөнгөн оноштой байгаа аж.