Энэ оны нэгдүгээр сарын 21-нд "PARKVIEW" хотхоны ... дугаар байранд хуулийн байгууллагынхан цугларсан гэх бичлэг цахим орчинд цацагдаад байгаа билээ.

Энэхүү бичлэгт, Сүхбаатар дүүргийн Эрүүгийн хэргийн анхан шатны шүүхийн шүүгч З.Болдбаатар, Х.Идэр болон Улсын Дээд шүүхийн тамгын газрын ХНХ-ийн дарга асан Д.Отгонбаатар, Үндэсний аюулгүй байдлын зөвлөлийн ажилтан Б.Баасанцогт, Авлигатай тэмцэх газрын ажилтан П.Чулуунбаатар нарын хүмүүс багтсан байдаг. Уг бичлэгийн асуудлаар хэрэг бүртгэлтийн хэрэг нээх саналыг цагдаагийн байгууллагаас прокурорт хүргүүлээд байгаа юм. Учир нь тус бичлэгт дээрх иргэдээс гадна хэд хэдэн эмэгтэй багтсан бөгөөд тухайн байранд биеэ үнэлэлт зохион байгуулсан байж болзошгүй гэж үзэж байгаа гэх ба эмэгтэйчүүдийн дансанд хоёр сая төгрөг шилжүүлсэн болох нь тогтоогдсон тухай  мэдээлсэн.

Тэгвэл энэхүү үйлдэл нь нэг удаагийнх биш бөгөөд олон удаагийн үйлдэлтэй учир нэр дурдагдсан шүүгч нарыг ажлаас нь чөлөөлөхийг "Дархан монгол ногоон нэгдэл" ТББ болон "Нэхүүл" хөдөлгөөнийхөн шаардаж, Монгол Улсын ерөнхийлөгч болон Мөрдөн байцаах албаны Тусгай субъектийн үйлдсэн гэмт хэргийг шалгах хэлтэст хүсэлт хүргүүллээ. Түүнчлэн энэ асуудлаар Авлигатай тэмцэх газарт мөн хандана гэдгээ хэлсэн юм. 

Уг шаардлагыг доор бүрэн эхээр нь хүргэж байна.