Өчигдөр /2021.05.27/ Хан-Уул дүүргийн нэгдсэн эмнэлгийн гурван давхраас 30 орчим насны эмэгтэй унаж, нас барсан тухай мэдээлсэн.

Энэ хэргийг Хан-Уул дүүрэг дэх цагдаагийн хоёрдугаар хэлтсээс шалгаад, урьдчилсан байдлаар талийгаачийг амиа хорлосон гэх дүгнэлт гаргажээ.

Талийгаач нь тавдугаар сарын 23-ны өдөр коронавирусний шинжилгээнд хамрагдаж, халдвар авсан болох нь батлагдаад байжээ.

Улмаар дүүргийн нэгдсэн эмнэлэгт тусгаарлагдан эмчлэгдэж байгаад амиа алдсан байна. Тэрээр нас барахаасаа өмнө нөхөртэйгээ холбогдож, гэрээслэл үлдээсэн аж.