Абу Даби хотноо үргэлжилж буй “World pro jiujitsu Championship-2021” тэмцээний хөх бүсний "Мастерс 1" ангиллын эмэгтэйчүүдийн 62 кг-ын жинд барилдсан "Гаруда" академийн тамирчин Т.Цэнд-Аюуш аваргын алтан медалийн эзэн болов.

Тус тэмцээний "Мастерс 1" ангиллын эмэгтэйчүүдийн 49 кг-ын жинд барилдсан "Гаруда" академийн тамирчин Н.Чаминтуяа мөнгө, Булган аймгийн Орхон сумын харьяат тамирчин Б.Батжаргал "Мастерс 2" ангиллын ягаан бүсний 94 кг-ын жинд барилдаж хүрэл, "Мастерс 4" ангиллын 120 кг-ын жинд барилдсан "Гаруда" академийн тамирчин Д.Баярсайхан мөнгөн медаль тус тус хүртэв. 

Мөн “World pro jiujitsu Championship-2021” өсвөр үеийн улбар шар бүсний 37 кг-ын жинд барилдсан “112 fight academy”-ийн тамирчин Б.Билгүүнтэй дэлхийн аварга боллоо.

Ташрамд сонирхуулахад, Жюү жицү гэдэг үгийг утгачилбал, "Жюү" нь уян хатан, "Жицү" нь урлаг, арга зам, техник гэсэн утгатай юм байна. Жюү жицү нь дотроо олон урсгал, чиглэлээр дэлхийн олон улсад эрчтэй түгэн дэлгэрч байгаа аж. Бразил жюү жицүгийн онцлог нь ихэвчлэн өрсөлдөгчөө хэвтээ барилдаанаас өчих болон боож ялдаг байна.