Бүгд Найрамдах Солонгос Улсын элчин сайдын яамнаас өнгөрсөн долоодугаар сарын сарын 25- ний өдрөөс эхлэн визний журмаа шинэчилсэн байна. Манай улсын иргэд Солонгос улсад ажиллаж,суралцах сонирхол жил тутам өсөж байгаатай холбоотойгоор виз мэдүүлэх журмаа ийнхүү чангалж тодорхой заалтуудыг нэмж өгсөн байна.

Манай улсын иргэд 30-90 хоногийн хүчинтэй хугацаагаа хэтрүүлэх, зарим нь хоёроос дээш жил тус улсад харлаж ажиллаж амьдарч байгаа. эдгээр иргэдтэй холбоотой виз мэдүүлэх журам зохицуулалтад мөн адил хатуу өөрчлөлт оржээ. Нийт 15 заалтад өөрчлөлт орсон байна. Мөн өмнө нь дурын компани виз мэдүүлэх үйлчилгээг иргэдэд үзүүлдэг байсан бол  одоо зөвхөн албан ёсны бүртгэлтэй компаниар үйлчлүүлэх ёстойг журамдаа тусгаж өгсөн байна.