Гамшиг судлалын үндэсний хүрээлэнгээс анхааруулга гаргажээ.

-Хийн шаталтаас хүчлийн уур, нүүрсхүчлийн хий, дутуу исэл, хлор, азотын хий, тоос, тоосонцор, барилгын шаталтаас цагирагт органик нэгдэл, цианид агуулсан органик нэгдэл зэрэг хортой хий үүсдэг тул амьсгал хамгаалах хэрэгсэл заавал зүүх

-Гадуур аль болох гарахгүй байх, боломжтой бол цэвэр агаартай газар нүүн шилжих, эмнэлгийн цонхыг хаалттай байлгаж, дотор агаарыг цэвэршүүлэх, хүчилтөрөгчөөр баяжуулах, айл оршин суугчид тагтан дээрх хоол хүнсний зүйлээ сайтар битүүмжлэх, гадаа болон тагтан дээр бууз болон бусад хүнсний бүтээгдэхүүнийг ил задгай хөлдөөхгүй байх гэх мэт.

-Ослын бүсэд үүссэн бохирдлыг яаралтай арилгах, цэвэрлэх, цэвэрлэсэн хаягдлыг гол ус руу орохгүй байхаар зориулалтын газар хаях

-Бохир усны шугам, агааржуулалтын систем, хаалттай орон зайгаар хийн уур тархсан байх магадлалтайг анхаарна уу.

-Хөргөсөн хийтэй харьцах үед техник, тоног төхөөрөмж, материал хэврэг болж, гэнэт эвдрэх магадлалтайг анхаарна уу.

Эх сурвалж: Гамшиг судлалын үндэсний хүрээлэн