“Чечений тэргүүн Рамзан Кадыров шинэ төрлийн коронавирусний халдварын сэжгээр тусгаарлагдан, эмнэлгийн тусламж авч байна” гэж Интерфакс мэдээллээ.

Мэдээнд дурдсанаар Кадыров хэд хоногийн өмнө бие нь муудаж, эмчид үзүүлэхдээ ханиад хүрсэн гэж хэлж байжээ. Гэвч сайжраагүй тул Москвагийн эмнэлэгт үзүүлэхэд сэжигтэй тохиолдол гэж үзэн тусгаарласан байна.

Одоогийн байдлаар Чеченьд халдварын 1026 тохиолдол бүртгэгдэж, 11 хүн нас бараад байна.