Италийн “Ювентус” клубын довтлогч, Португалийн хөлбөмбөгч Криштиану Роналду хамгийн анхны тэрбумтан хөлбөмбөгч боллоо гэж “Forbes” сэтгүүл мэдээлжээ.

Роналду нь спортын карьерын 17 жилийн хугацаанд янз бүрийн клубт тоглохдоо 650 сая ам.долларын гэрээ хийсэн нь мэргэжлийн хөлбөамбөгчийн тогтоосон дээд амжилт гэнэ. Бусад орлого нь түүний сурталчилгаанаас олсон орлого нь эзэлж байна. “Ювентус” клубтэй хийсэн гэрээний дагуу Роналду нийт 750 сая ам.доллар олох гэнэ. Криштиану Роналду ийнхүү гурав дахь тэрбумтан тамирчин болж байгаа юм. Тэрбумтан тамирчдын жагсаалтад гольфын тамирчин Тайгер Вудс, боксчин Флойд Мэйвэйзер нар ордог.

"Спортинг", "Манчестер Юнайтед" болон "Реал" багт тоглож байсан Криштиану Роналду дөрвөн улсын аварга, Алтан бөмбөгийг таван удаа хүртэж байжээ.