Улсын онцгой комиссын шийдвэрийн дагуу Сөүл-Улаанбаатар чиглэлд 2020 оны 4 дүгээр сарын 8-ны өдөр нислэг үйлдэнэ. 

Энэ удаагийн нислэгээр буцах иргэдийн бүртгэлийг ЭСЯ, МИАТ компанитай хамтран утсаар хийх юм. ЭСЯ-ны фейсбүүк хаяг, цахим шуудангаар бүртгэл хийхгүй. Дараах шалтгаантай иргэдийг тэргүүн ээлжинд бүртгэлд хамруулна.

Хэн бүртгүүлэх вэ?

• Эмчийн хяналтад байгаа хүнд өвчтөн
• Жирэмсэн эх, түр хугацаагаар хүүхэдтэйгээ ирсэн эцэг, эх
- Жирэмсний 37 долоо хоногоос дээш бол урагт нөлөөлөх аюултай тул агаарын хөлөгт суулгахгүйг анхаарна уу.
- Хүүхдийн төрсний гэрчилгээ.
• Хөгжлийн бэрхшээлтэй иргэн
- нотлох баримт бичиг.
• Өндөр настан
- эмэгтэй 55 /1965 оноос өмнө төрсөн/ наснаас дээш
- эрэгтэй 60 /1960 оноос өмнө төрсөн/ наснаас дээш

Хэрхэн бүртгүүлэх вэ?

• Цахим бүртгэлийг 2020 оны 4 дүгээр сарын 4-ний өдөр 11:00-18:00 цагийн хооронд доорх харгалзах дугаарт залгаж, бүртгүүлнэ. Үүнд:

- Эмчийн хяналтад байгаа хүнд өвчтөн 010-8205-3464
- Жирэмсэн эх 010-2723-3464
- Хөгжлийн бэрхшээлтэй иргэн 010-2472-2199
- Өндөр настан 010-6851-2199
- Бага насны хүүхэд, асран хамгаалагч 010-5635-3366

АНХААРАХ ЗҮЙЛС:

Бүртгэлд хамрагдаж суудал нь баталгаажсан иргэд Монгол Улсын ЭМЯ-ны шийдвэрийн дагуу гадаадаас ирж байгаа иргэд коронавирусний шинжилгээг заавал өгсөн байна. Иргэд өөрийн оршин суугаа газрын эмнэлгүүд болон эрүүл мэндийн төвд хандаж коронавирусний шинжилгээг өгч, шинжилгээний хуудсыг онгоцонд суухдаа үзүүлнэ. Шинжилгээний бичиггүй иргэнийг агаарын хөлөгт суулгахгүй. Коронавирусний шинжилгээ өгөх боломжтой эмнэлгүүдийн мэдээллийг дараах холбоосоос авна уу.

http://www.mongolembassy.com/index.php…

Монгол Улсад очсоны дараа 21 хоног өөрийн зардлаа төлж тусгаарлагдах бөгөөд холбогдох горимыг чанд мөрдөх, зөрчсөн тохиолдолд хуулийн хариуцлага хүлээх болно гэдгийг Монгол Улсаас БНСУ-д суугаа ЭСЯ анхааруулж байна.