Тэмцээний гол тулаан болох Шинэ Зеландын Исраэль Адесанья, Кубын Йоэль Ромеро нарын тулаан хүмүүсийн санаанд хүрээгүй. Үзэгчид шүгэлдэн, хэт болгоомжтой хоёр тамирчинд эсэргүүцэл үзүүлж байлаа.Тэгвэл Хятадын Вэйли Чжан Польшийн Йоанна Енжейчик нар Олон улсын эмэгтэйчүүдийн өдрөөр ёстой жинхэнэ тулаан үзүүллээ. Бүтэн таван үеийн турш огтхон ч зогсолгүй үзэлцсэн тус тулаанд Чжан ялж, аваргын бүсээ хамгаалж чадсан. Йоанна духандаа хүнд гэмтэл авсан ч цаг дуустал тулалдаж, сүүлийн мөчид хүртэл хүнд цохилт хийж, аваргыг унагаах шахсан билээ.