НҮБ-ын Боловсрол, шинжлэх ухаан, соёлын байгууллагын харьяат олон улсын бүжгийн сангууд, бүжгийн холбоод, олон улсын тэмцээн зохион байгуулах хороод нэгдэж бүжгийн урлагийг хөгжүүлэхэд зориулан "Олон улсын бүжгийн нэгдсэн цахим уралдаан" зохион байгуулах гэж байна.

Уг уралдааныг Монгол, Хятад, Франц, Япон, Их Британи, АНУ, Грек, Польш, Герман, Унгар, Бельги, Индонез, Малайз, Куба, Казахстан, Румын, Серби, Латви, Эстони, Литва, Египет, Сингапур, БНСУ зэрэг 20 гаруй улс орны холбоо хамтран зохион байгуулж байгаа бөгөөд олон улсын мэргэжлийн мастерууд шүүн явуулна.

400 сая төгрөгийн шагналын сантай, 31 тэтгэлэгтэй тус уралдаан балет, ардын, орчин үеийн, цэнгээнт, хип хоп, жазз бүжгийн төрлөөр зохион байгуулагдах бөгөөд бүртгэл ирэх есдүгээр сарын 30-н хүртэл явагдах юм байна.