ОХУ-ын Сансар судлалын агентлаг 2021 онд Олон улсын сансрын станц руу “Роскосмос” корпорац хоёр жуулчин илгээх болсноо албан ёсоор зарлалаа.

ОХУ сансарт илгээх хоёр жуулчнаа дараа жилийн дундуур зарлах аж.

АНУ-ын “Space Adventure” компан болон ОХУ-ын “Роскосмос” компанийн хооронд 2019 оны хоёрдугаар сард хамтын ажиллагааны гэрээ байгуулагдсан бөгөөд ирэх жил илгээх хоёр жуулчныг гэрээний дагуу илгээхээр болжээ.

ОХУ-ын Сансар судлалын агентлагийн мэдээллээр сансарт илгээх хөлөг онгоцны бэлтгэл хангагдаж буй аж.

Роскосмос өмнө нь 2001 онд сансарт жуулчин илгээх ажил хийж байсан туршлагатай. Тухайн үед АНУ-тай хамтарч жуулчин хөөргөсөн бөгөөд Деннис Тито гэгч сансарт аялахаар сонгогдож 20 сая ам.доллар төлж байсан юм.

Эх сурвалж: RT