Сүүлийн 7 хоногийн дотор Япон улсад Корона вирусын шинээр бүртгэгдсэн тохиолдол 10,000-д хүрч, Коронагийн тархалт маш хурдтай өсөж байна.

Өчигдөр буюу 8-р сарын 10-ны байдлаар тус улсад Даймонд принцесс хөлөг онгоцны зорчигчыг оруулан тооцвол нийт 54,000 гаруй Корона вирусын тохиолдол албан ёсоор бүртгэгдээд байна.

Халдвар авагсдын тоо 8-р сарын 10-ний нэг өдрийн дотор 839-р нэмэгдэж 50,461 болсон бол, нас баралт 5-р нэмэгдэж 1,066 хүн болсон байна. Дашрамд дурьдахад Япон улс Корона вирусын статистек үзүүлэлт гаргахдаа Даймонд приннцесс хөлгийн зорчигчдыг тоондоо оруулахгүй байгаа юм.

Япон улсад 7, 8-р сард Корона вирусын халдвар ихсэж байгаа нь засгийн газрынх нь хэрэгжүүлж буй дотоод аялал жуулчлалаа дэмжих компанит ажлаас боллоо гэсэн дүгнэлтийг гадны байгууллагууд гаргаж байна.

Японд амьдарч байгаа Монгол ахан дүүстээ эрүүл энхийг хүсье!

Мэдээллийг Ж.Нармандах, 2020.08.11.
Эх сурвалж: SBS мэдээ.