УИХ-ын ээлжит бус чуулганы өнөөдрийн /2020.08.28/ ээлжит хуралдаанаар Үндэсний аюулгүй байдлын зөвлөлийн Ажлын албаны дарга Д.Даваа-Очирыг Сонгуулийн ерөнхий хорооны гишүүнээр томиллоо. Түүний нэрийг Монгол Улсын Ерөнхийлөгчийн зүгээс нэр дэвшүүлсэн байна. Тэрбээр 51 настай, эрх зүйч мэргэжилтэй. Төрийн албанд 33 жил ажилласан, ШШГЕГ-ын харьяа Цагдан хорих 461 дүгээр ангийн даргаар ажиллаж байсан. Өнөөдрийг хүртэл Үндэсний аюулгүй байдлын Ажлын албаны даргаар ажиллаж байгаа юм. Улмаар Сонгуулийн ерөнхий хорооны гишүүнээр томилогдож байна.