OLNODO.COM САЙТ ИРГЭДИЙН ҮЗЭЛ БОДОЛ ХЭСЭГТ НИЙГЭМД ЗӨВ ХАНДЛАГА УРИАЛГА БҮХИЙ АНХААРАЛ ТАТСАН ИРГЭНИЙ ПОСТЫГ ОРУУЛДАГ БИЛЭЭ.

Өнөөдөр улаан даваа давчихаад буцахдаа овоо эргэнэ хоёр цэгт байсан хогийг цэвэрлээд машиндаа ачиж ирж хогийн саванд хийв..Овоо даваан дээр гарч сайн сайхан бүхнийг хүсдэг гуйдаг боловч яагаад хогоо замбараагүй хаяад байнаа?! Уусан архиныхаа шилийг битгий хагалж байгаач түүхэд төвөгтэй юм..Миний хувьд хот тохижилтын газар ажиллаж байсан болохоор та бидний хаясан хогийг ямар хүмүүс яаж цэвэрлэж ямар их ажил хийдгийг мэддэг болохоор боломжоороо овоо давааны хогийг цэвэрлээд явдаг..Заа тэгээд цэвэрлэсний дараа цэвэрхэн овоон дээр цэнхэр тэнгэрийн орон дууг аялаад сайхан дэвж шавмаар санагдлаа..#Тархиндаа хоггүй #Байгальдаа хоггүй амьдарцгаая... гэжээ.