ОХУ-ын Батлан хамгаалахын сайд, армийн генерал Сергей Шойгу коронавирусний вакцин хийлгэжээ. Тусгаар улсуудын хамтын нөхөрлөл, Хамтын аюулгүй байдлын гэрээний байгууллага, Шанхайн хамтын ажиллагааны байгууллагын гишүүн орнуудын батлан хамгаалахын сайд нарт Батлан хамгаалахын яам Оросод бүртгэсэн дэлхийн анхны коронавирусний вакциныг танилцуулжээ.

Энэ танилцуулгын үеэр С.Шойгу эх оронд нь гарган авсан вакцинаар тариулсан гэдгээ мэдэгдсэн байна. Түүнчлэн тэрбээр армиас хамгийн түрүүнд цэргийн эмч нар болон цэргийн анги салбарын захирагч нар коронавирусний вакцинд хамрагдана гэдгийг цохон дурджээ.

Цаашлаад ОХУ-ын Зэвсэгт хүчний бусад ангилалд хамаарах цэргийн албан хаагчид вакциныг сайн дурын үндсэн дээр хүлээн авах болно хэмээн С.Шойгу мөн мэдэгдсэн байна.