Коронавирусээр халдварласан хоёр хүн эдгэрч дараагийн шатны ажиглалтад шилжсэнийг ЭМЯ мэдээлэв.

Ингэснээр манай улсад бүртгэгдсэн “COVID-19” халдварын 313 тохиолдлын 307 нь эдгэрээд байна. ХӨСҮТ-д одоогоор коронавируст халдвартай зургаан хүн эмчлүүлж байгаагаас дөрвөн хүний биеийн байдал хөнгөн, хоёр нь хүндэвтэр байна.

ХӨСҮТ-ийн болон Дархан-Уул аймгийн вирус судлалын лабораторид өчигдөр 753 сорьцод шинжилгээ хийхэд коронавирус илрээгүй байна.

Ташрамд дурдахад, дэлхий дахинд өнгөрсөн 24 цагийн хугацаанд 242 мянган хүн шинээр халдварлаж, 4 мянга гаруй хүн эндcэн байна. Харин 266 мянга гаруй хүн эдгэрчээ.