Хөгжлийн бэрхшээлтэй хүний тэмдэг, тэмдэглэгээтэй зогсоолд автомашинаа байрлуулбал зогсоолын төлбөрийг 25 дахин нэмэгдүүлж төлүүлнэ гэж ШӨХТГ-ын дарга Б.Бат-Эрдэнэ мэдэгдлээ.

Өдөр тутмын энгийн хэрэглээ буюу зам, автобус, үйлчилгээний газрын нөхцөл, тэргэнцэртэй жолоочийн автомашины зогсоолын хэрэглээ гэх мэт асуудлыг бодит хэрэглээ болгох талаар өнөөдөр /2020.10.14/ хэлэлцүүлэг өрнүүлжээ.

Хэлэлцүүлэгт Имарт Хан-Уул салбарын удирдлагууд, Монголын тэргэнцэртэй иргэдийн холбоо, ЗТХЯ, Тээврийн цагдаагийн газар, Стандарт хэмжилзүйн газар, УБ хотын Захирагчийн ажлын алба, Хөгжлийн бэрхшээлтэй хүний хөгжлийн ерөнхий газар оролцсон байна.