Засгийн газраас цахилгаан, дулаан, ус, хогны үнийг тэглэсэн. Тэгвэл хөнгөлөлтөд хамрагдсан зарим аж ахуй нэгж ажилчдынхаа цалинг нэмэгдүүлж эхэлжээ. Тухайлбал, "Хүнс комплекс" ХХК аравдугаар сарын 1-нээс эхлэн ажилчдынхаа цалинг 10-15 хувиар нэмэгдүүлсэн байна. Мөн гэрээт дэлгүүрүүдэд хэсэгчилсэн хямдрал үзүүлэх зэрэг арга хэмжээг авчээ. "Сүүн зам Дейри" ХХК арванхоёрдугаар сарын 1-нээс эхлэн ажилчдынхаа цалинг нэмэгдүүлсэн байна. "Милко" ХХК цар тахлын үед ажиллаж байгаа нийт ажилтнууддаа 200 000 төгрөгийн урамшуулал олгосон байна. 

Засгийн газрын хөнгөлөлт дараах есөн төрлийн аж ахуй нэгжид хамаарахгүй юм. Үүнд: 

1. Төсөвт байгууллага, Төрийн болон орон нутгийн өмчит түүний оролцоотой хуулийн этгээд
2. Уул уурхайн олборлолт боловсруулах үйлдвэр,
3. Банк болон банк бус санхүүгийн байгууллага
4. Валюттай холбоотой үйл ажиллагаа эрхлэгч
5. Газрын тосны бүтээгдэхүүн үйлдвэрлэгч
6. Импортлох бөөний болон жижиглэнгийн худалдаа эрхлэх тусгай зөвшөөрөл эзэмшигч
7. Интернэт үүрэн холбооны үйл ажиллагаа эрхлэгч тусгай зөвшөөрөлтэй газрууд
8. Согтууруулах ундаа, тамхи үйлдвэрлэгч тусгай зөвшөөрөл эзэмшигч
9. Өнгөт металл, цементийн үйлдвэр гэсэн эдгээр есөн аж ахуйн нэгжээс бусад аж ахуйн нэгжүүдийн цахилгаан, дулаан, дулааны уур, усан хангамж, хогны төлбөрийг долоон сарын хугацаатай Монгол Улсын төр хариуцах боллоо.