mn kr
Нэвтрэх Бүртгүүлэх

С.Тулга сагсан бөмбөгийн 3х3 төрлөөр анхны гавьяат дасгалжуулагч болов

Монгол мэдээ
Огноо 2021-02-07
С.Тулга сагсан бөмбөгийн 3х3 төрлөөр анхны гавьяат дасгалжуулагч болов

Сагсанбөмбөгийн 3х3 төрлийн үндэсний шигшээ багийн дасгалжуулагч Сүхбаатарын Тулгад Монгол Улсын гавьяат дасгалжуулагч цол олгохоор болжээ.

Монголын сагсанбөмбөгийн 3х3 төрлөөр дэлхийд амжилтаараа танигдах болсон нь С.Тулгын хөдөлмөр зүтгэлийн үр шим ихээхэн шингэсэн билээ. Улаанбаатар хотноо 1981 онд төрсөн С.Тулга бага наснаасаа дасгалжуулагч Дэмбэрэл багшийн шавь болж сагсан бөмбөгийн спортоор хичээллэж, улмаар 1998 онд Улсын өсвөрийн аварга шалгаруулах тэмцээн болон 2002 оны Улсын Залуучуудын  АШТ-ий алтан медаль тус тус хүртэж МУИС-ийн шигшээ багт тоглож байсан юм.

Улмаар 2005 онд “Лидер” багтаа тоглож, Лигийн аварга болжээ. Тэрбээр 2004 онд “TLG-13” Төрийн бус байгууллагыг байгуулан, тамирчдаа багаас нь бэлтгэн хичээлүүлж, “Спрайт” лигийг зохион байгуулан үндэсний сагсан бөмбөгийн хөгжлийн түүхэнд бичигдэх амжилтыг гаргаж чадсан гэж спортынхондоо үнэлэгддэг.

Өнөөдөр Монголын эмэгтэй сагсан бөмбөгийн 3х3 төрлийн шигшээ баг Токиогийн олимпын наадамд өрсөлдөх эрхээ авчихаад байгаа бол эрэгтэй багийн хувьд энэ хүндтэй эрхийг авах боломж нээлттэй байгаа нь С.Тулга багшийн зорьсон, хэрэгжүүлсэн ажлын үр дүн гэж болно.

Ийнхүү багийн спортоор дэлхийд танигдах амжилтыг үзүүлээд байгаа 3х3 сагсан бөмбөгийн баг тамирчдын амжилтыг үнэлж, сагсан бөмбөгийн 3х3 төрлөөр анхны гавьяат дасгалжуулагч төрж байна.

Ташрамд дуулгахад, Монголын сагсан бөмбөгчдийн хувьд С.Тулга 3 дахь /Ц.Цэвэрбал, Б.Дамба/ гавьяат дасгалжуулагч болж байна.

Сэтгэгдэл

Хэрэглэгчээр нэвтэрч байж сэтгэгдэл нэмнэ үү! Энд дарж нэвтэрнэ үү.

Эрэлт ихтэй мэдээ

“Элизабет” хотхоны 214, “Аман хуур” хотхоны 33в байрыг хамгаалалтад авчээ 2021-02-07

PCR шинжилгээгээр 34 хүнээс коронавирус илэрсэн 2021-02-07

Шадар сайд С.Амарсайхан шинжилгээний хариуг түргэн гаргах, тоо багтаамжийг нэмэгдүүлэхийг үүрэг болгов 2021-02-07

Энэ сарын 11-нээс 23-ны өдрүүдэд нийслэлд хатуу хөл хорио тогтооно 2021-02-07

Маргааш ахмадуудад 1,000,000 төгрөг олгох ажлыг эхлүүлнэ 2021-02-07

С.Тулга сагсан бөмбөгийн 3х3 төрлөөр анхны гавьяат дасгалжуулагч болов 2021-02-07

Нийт тохиолдлын 40 хувь нь гэр бүлээсээ халдварлажээ 2021-02-07

Есөн дүүргийн онцгой комисс, удирдлагад үүрэг чиглэл өглөө 2021-02-07

N95 амны хаалтны тендерийг буцаах үүрэг өглөө 2021-02-07

Баруун бүсийн сайжруулсан түлшний үйлдвэрийг Налайх руу нүүлгэнэ 2021-02-07

Улаанбаатарт 4-6 хэм хүйтэн байна 2021-02-08