Иргэний агаарын тээврийн "МИАТ" ТӨХК гадаад улс орнуудаас иргэдээ татан авах тусгай үүргийн нислэгүүдийн тийзний үнийг 15 хувиар хямдруулж байгаагаа мэдэгдсэн. Хямдрал өнөөдрөөс буюу 3 дугаар сарын 1-нээс эхэлж байна. Энэ үүднээс УОК-ын шийдвэрээр иргэдээ татан авах хуваарийн дагуу маргааш 3 дугаар сарын 2-нд үйлдэх Сөүл-Улаанбаатарын чиглэлийн тусгай нислэгээс эхлэн тийзний  тарифт үнэ хямдарч байна. Тийзний хямдарч буй үнийг дахин мэдээлвэл: 

• Сөүл-Улаанбаатар чиглэлийн тусгай үүргийн нислэгийн үндсэн тариф 530,000 вон нь 72,000-аар хямдарч 457,000 вон,
• Токио -Улаанбаатар чиглэлийн тийзний 59,150 иений үндсэн тариф 8,100 иенээр хямдарч 51,050 иен,
• Франкфурт-Улаанбаатар чиглэлийн тийз 830 евро байсан нь 99 еврогоор хямдарч 731 евро,
• Истанбул-Улаанбаатар чиглэлийн тийз 734 ам.доллар байсан нь 102 ам.доллароор хямдарч 629 ам.доллар,
• Нур-Султан-Улаанбаатар чиглэлийн тийз 364 ам.доллар байсныг 50 ам.доллароор хямдруулж 314 ам.доллар болох юм.

УОК-ын шийдвэрийн дагуу манай улс энэ сард нийт 12 удаагийн тусгай үүргийн нислэг үйлдэж, 1920 иргэнээ татан авна.

Үүнд:

• 3 дугаар сарын 02-нд Сөүл-Улаанбаатар
• 3 дугаар сарын 04-нд Сөүл-Улаанбаатар /транзит/
• 3 дугаар сарын 05-нд Нурсултан-Улаанбаатар
• 3 дугаар сарын 11-нд Токио-Улаанбаатар
• 3 дугаар сарын 12-нд Сөүл-Улаанбаатар
• 3 дугаар сарын 15-нд Токио-Улаанбаатар
• 3 дугаар сарын 17-нд Франкфурт-Улаанбаатар
• 3 дугаар сарын 18-нд Франкфурт–Улаанбаатар
• 3 дугаар сарын 24-нд Сөүл-Улаанбаатар
• 3 дугаар сарын 25-нд Токио-Улаанбаатар
• 3 дугаар сарын 28-нд Сөүл-Улаанбаатар /транзит/
• 3 дугаар сарын 31-нд Сөүл-Улаанбаатар чиглэлд тусгай үүргийн нислэг үйлдэх юм.
•