Манай тамирчин урьдчилсан тулааны хамгийн эхэнд гарлаа. Өрсөлдөгч нь Аргентины Гуидо Каннетти.

Гуидо Каннетти бол 40 настай тулаанч. Холимог тулаанд нийт 12 тулалдаж, найм ялсан. Үүнээс гурван тулааныг хүнд цохилтоор, гурвыг нь өчиж, боож цагаас өмнө дуусгаж байжээ. 2007 онд холимог тулаанд орсон. El Ninja хочтой, муай-тай суурьтай. Америкийн “Team Alpha Male” багт харьяалагддаг. Ялсан ч ялагдсан ч эхний үед л тулаан нь дуусдаг тамирчин юм. Энэ удаад ч мөн адил.Д.Батгэрэл эхний үед л түүнийг унагаасан. Манай тамирчны зүүн гарын хүчтэй цохилт яг эрүүнд нь тусахад Гуидо унасан. Хамгаалах гэж оролдсон ч Д.Батгэрэл хэд хэд угсруулан цохисны дараа шүүгч Крис Тогнони тулааныг зогсоолоо. Эхний үеийн 3:01 минут болж байлаа.

Энэ бол Д.Батгэрэлийн UFC холбооны анхны ялалт юм.