Коронавирусний халдвартай нь тогтоогдон эмчлүүлж байсан Баянзүрх дүүргийн иргэн гэртээ гарсныхаа дараа нас баржээ. Эл хэрэг өнгөрсөн долоо хоногт гарсан байна. 

Тодруулбал, Баянзүрх дүүргийн 10 дугаар хороонд оршин суух хаягтай 67 настай эрэгтэй гаднаа ил харагдах гэмтэл, шархгүй амьсгал хураасан байжээ. Талийгаачийн нас барсан шалтгааныг тодруулахаар албаныхан шалгалтын ажиллагаа явуулж байна.

Шалгалтын явцад талийгаач нь өнгөрөгч нэгдүгээр сард коронавирусний халдвар авсан болох нь шинжилгээгээр батлагдаж, ХӨСҮТ-д эмчлүүлж байжээ. 

Улмаар ХӨСҮТ-д 14 хоног хэвтэн эмчлүүлж байгаад хоёрдугаар сарын эхээр гэртээ гарсан байжээ.

Хэргийг Баянзүрх дүүрэг дэх цагдаагийн гуравдугаар хэлтэст үргэлжлүүлэн шалгаж байна.

 Эх сурвалж