Ерөнхий сайд Л.Оюун-Эрдэнэ МҮЭХ-ны төлөөллийг хүлээн авч уулзав

Ерөнхий сайд Л.Оюун-Эрдэнэ МҮЭХ-ны төлөөллийг хүлээн авч уулзав

МҮЭХ-ны удирдлага, төлөөлөл УИХ-аар хэлэлцэж байгаа Хөдөлмөрийн тухай хуулийн шинэчилсэн найруулгын төслийг өмнө хүрсэн түвшнээс дордуулахгүй батлах нь зүйтэй гэсэн байр суурьтай байгаагаа илэрхийлэв.

Түүнчлэн нийгмийн түншлэлийг хөгжүүлэх, хөдөлмөрийн хяналт, Нийгмийн даатгалын шимтгэлийн нэмэгдэл, цар тахлын үеийн хөдөлмөр эрхлэлт, хөдөлмөрлөх эрх, нийгмийн хамгаалалтай холбоотой саналуудаа уламжиллаа.

Хөдөлмөрийн харилцааны эрх зүйн орчин бий болгох, шинэчлэн батлах, нийгмийн даатгал, хөдөлмөрийн хяналтын тогтолцоог гардан хариуцаж, хөгжүүлэхэд МҮЭХ-ны гүйцэтгэх үүрэг их гэдгийг Ерөнхий сайд тодотголоо. Мөн Засгийн газар Хөдөлмөрийн тухай хуулийн хэрэгжилтийг хангуулах, насжилт багатай, эргэж буцдаг хууль гаргахгүй  байхад анхаарч ажиллахаа илэрхийлэв.

Тэтгэврийн зөрүүг арилгахтай холбоотой судалгаа хийж,  тэтгэвэр, дундаж цалинг үе шаттай нэмэх шаардлагатайг онцлов. МҮЭХ-той хөдөлмөрийн харилцааг жигд, тэгш хүртээмжтэй байх чиглэлээр бодлогын түвшинд хамтарч ажиллахаа  хэллээ.

Монголын эрүүл мэндийн ажилтны үйлдвэрчний эвлэлийн холбоо эрүүл мэндийн байгууллагуудын ажилчдын цалин хөлс, ажиллах орчин нөхцөл, нийгмийн асуудал, Монголын тээвэр, холбоо, газрын тосны холбоо хэмнэлтийн горимд ажилчдын цалин хөлсийг бууруулахгүй байхад  Засгийн газар анхаарахыг хүсэв.

Уулзалтад МҮЭХ-ны Ерөнхийлөгч Х.Амгаланбаатар, Дэд ерөнхийлөгч С.Эрдэнэбат,  Ерөнхий нарийн бичгийн дарга Г.Адъяа, Монголын тээвэр, холбоо, газрын тосны үйлдвэрчний эвлэлийн холбооны дарга Б.Рагчаа, Монголын эрүүл мэндийн ажилтны үйлдвэрчний эвлэлийн холбооны дарга Х.Ариунаа нар оролцлоо. Ерөнхий сайд ойрын хугацаанд Үйлдвэрчний эвлэлийн бусад байгууллагын төлөөлөлтэй уулзахаар төлөвлөж байна.

 

Засгийн газрын Хэвлэл мэдээлэлтэй харилцах хэлтэс

Сэтгэгдэл

Хэрэглэгчээр нэвтэрч байж сэтгэгдэл нэмнэ үү! Энд дарж нэвтэрнэ үү.

CNN суваг реппер Big Gee-г онцолжээ 2021-03-17

“Moody's” агентлаг Монгол Улсын зээлжих зэрэглэлийн үнэлгээг “B3” хэвээр үлдээлээ 2021-03-17

Хуурай, гандуу бүс нутгийн экосистемийн доройтлыг бууруулах төсөл хэрэгжиж эхэллээ 2021-03-17

Засгийн газрын өнөөдрийн ээлжит хуралдаанаар, дараах асуудлыг хэлэлцэн шийдвэрлэлээ. 2021-03-17

Нийслэлийн нийт 139636 хүнийг вакцинжуулалтад хамрууллаа. 2021-03-17

Ерөнхий сайд Л.Оюун-Эрдэнэ МҮЭХ-ны төлөөллийг хүлээн авч уулзав 2021-03-17

Японд Монголын тухай дурсгалын марк гаргажээ 2021-03-17

Худалдааны "Дүнжингарав" төвийг 5 хоног хааж байна 2021-03-17

"Наурыз" баярыг тэмдэглэн өнгөрүүлэхийг хориглолоо 2021-03-17

Г.Занданшатар: Цаашид зээл, тусламж гэхээсээ илүү хөгжлийн хамтын ажиллагааны хүрээнд харилцаагаа түлхүү хөгжүүлэх ёстой 2021-03-17

Д.Сумъяабазар: Төвийн зургаан дүүргийн 120 хороо халдварын тархалттай байна 2021-03-17