Тус аймагт 72 цагийн тэг зогсолт хийгээд байна гэж аймгийн Шуурхай штабаас мэдээлэв.

-“Улаанбаатар хотоос Улиастайд ирж, гэрийн тусгаарлалтад байсан иргэдийн шинжилгээний хариу түргэвчилсэн оношлуураар тод эерэг хариу гараад байна. Тиймээс эдгээр гурван иргэнийг аймгийн Халдвартын тасагт тусгаарласан. Өнөөдөр эдгээр иргэдийн FCR шинжилгээг хийлгэхээр Ховд аймаг руу явууллаа. Тухайн иргэд 4-р сарын 4-ний өдрийн өдрийн 12 цагт Их-Уул сумын постоор нэвтэрч Улиастай хотод ирсэн. Хоёрдугаар сарын сүүлчээр аавыгаа ходоод тайруулах хагалгаанд оруулахаар Улаанбаатар хот руу авч яваад хагалгаагаа хийлгээд буцаж ирсэн. Улаанбаатар хотод 4-р сарын 1-ний өдөр FCR шинжилгээгээ өгөөд 3-ний өдөр хариугаа аваад тэр оройдоо наашаа гарчээ. 11-ний өдөр хүртэл гэртээ тусгаарлалтад байж байгаад тусгаарлалтаа зөрчин нэг иргэн нь айлд очсон байна. Эдгээр иргэдийн ойрын хавьтлын 47 иргэний FCR шинжилгээг мөн Ховд аймаг руу 4-р сарын 18-ны өдөр явуулна. Иймд өнөөдөр өглөөний 06:00 цагаас 72 цагийн тэг зогсолтыг Улиастай хотод эхлээд байна” гэв.