Польшийн Кельце хотноо болж буй сонирхогчдын боксын дэлхийн залуучуудын аварга шалгаруулах тэмцээнээс хүрэл медалийн болзол хангасан А.Хулан, Э.Сүхбат нар өнөөдөр мөнгөн медалийн төлөөх тулаанаа хийв.

Эмэгтэйчүүдийн 51 кг-д залуучуудын шигшээ багийн тамирчин Алтанбекын Хулан өчигдөр орой 20 цагаас ОХУ-ын тамирчин Линкова Валериатай мөнгөн медалийн төлөө хүчээ сорьж ялагдлаа.

Мөн монголын шигшээ баг, “Ихэр бээлий” клубын тамирчин Энхзоригтийн Сүхбат 24 цагаас мөнгөн медалийн төлөө Б ринг дээр ОХУ-ын тамирчин З.Евгенил /ZHOROV Evgenil/-тэй тулалдаж 5:0-ээр хожигдлоо.