Улсын Онцгой комисс өнөөдөр (2021.04.29) цахимаар хуралдаж, хил нээх хугацааг тавдугаар сарын 10-наас гэж тооцож, Засгийн хурлаар хэлэлцүүлэхээр тогтлоо.

Мөн хилийн боомтуудад давтан тунг яаралтай дуусгах, ачаа бараа нэвтрүүлэхийг нэмэгдүүлэх, тавдугаар сарын 10-наас 21 аймагт вакцинжуулалтыг эрчимтэй явуулах, давтан тунгаа авсан, өвдөөд эдгэсэн хүмүүсийг ПСР болон орон нутагт зорчихдоо хязгаарлалтад орохгүй байх журмыг тавдугаар сарын 5-нд батлах зэрэг асуудлаар санал нэгджээ.