Токио-Улаанбаатар чиглэлийн тусгай үүргийн онгоцоор өчигдөр /2020.03.17/ орой Монгол Улсын 257 иргэн эх орондоо ирлээ.

Тус иргэдийг Цэргийн төв эмнэлэг, ХӨСҮТ, Жаргалантын сувилал, Наранбулаг амралтын газарт тусгаарлажээ. Тэднийг 14 хоногийн хугацаанд тусгаарлах юм.

Түүнчлэн энэ сарын 15-нд Сөүл-Улаанбаатар чиглэлийн тусгай нислэгээр 244 иргэн, энэ сарын 16-нд Берлин-Москва-Улаанбаатар чиглэлийн нислэгээр 231 иргэнээ хүлээн аваад байна. 

Өнгөрсөн өдрүүдэд БНСУ, ОХУ, Япон, Герман зэрэг орнуудаас тусгай үүргийн онгоцоор ирсэн 700 гаруй иргэнийг тусгаарлажээ.