Израил Улсын Элчин сайдын яам, Израилийн Олон улсын хамтын ажиллагааны хөгжлийн агентлагаас /МАШАВ/  КОВИД-19 цар тахалтай тэмцэхэд зориулан Монгол Улсад 20 мянган ам.долларын өртөг бүхий хамгаалах хэрэгсэл, амны хаалт хандивлав.

Хандив хүлээлгэн өгөх ёслол өчигдөр Монгол Улсаас БНХАУ-д суугаа Элчин сайдын яаманд болжээ. Ёслолд Монгол Улсаас БНХАУ-д суугаа Элчин сайд Т.Бадрал, Израил Улсаас  Монгол Улсад суугаа Элчин сайд Ирит Бен-Абба нар оролцов. 

Монгол, Израилийн хооронд дипломат харилцаа тогтоосны 30 жилийн ой тохиож буй энэ үед тус улсаас олгож буй энэхүү тусламж нь хоёр улсын найрсаг харилцааны илэрхийлэл болж буйг талууд онцлов. Тус ЭСЯ-наас тусламжийн барааг Улсын онцгой комисст хүргүүлнэ.