Эрүүл мэндийн яамнаас өгсөн коронавирусний халдварын нөхцөл байдлын талаарх өнөөдрийн ээлжит мэдээллийг хүргэж байна.

(2021.07.06, 11:00 цаг)

Сүүлийн 24 цагт 9517 хүнд шинжилгээ хийхэд 1998 шинэ тохиолдол бүртгэгдлээ. Ингэснээр Монгол Улсын хэмжээнд нийт халдварын тоо 130.452 болж байна.

Мөн хугацаанд ковидын нэн хүнд хэлбэрээр 7 хүн нас барлаа. Ингэснээр ковидын улмаас нас барсан иргэдийн тоо 646 болж байна.Талийгаачдын ар гэр, төрөл төрөгсдөд гүн эмгэнэл илэрхийлье.

Шинээр бүртгэгдсэн тохиолдлыг задалбал

• Улаанбаатарт - 1139 (Нийт 98.453)
• Орон нутагт - 859 (Нийт 31.158)

Насны бүлгээр нь авч үзвэл 25-34 насныхан хамгийн их буюу 515 хүн өнгөрсөн хоногт халдвар авчээ.

Харин хүүхдүүдийн хувьд:

• 0-4 настай-83,
• 5-9 настай-125
• 10-14 настай- 145
• 15-17 настай- 65