Төрийн соёрхолт, Гавьяат жүжигчин Д.Сосорбарам руу гурил цацсан иргэн Х.Бээжин өнөөдөр тайлбар, мэдээлэл хүргэлээ.

Тэрбээр "Бидний тусгаар тогтнолд Орос улс хамгийн гол үүрэг гүйцэтгэсэн. 1921 онд орос цэргүүдийн тусламжтайгаар Сүхбаатар жанжин маань Ардын хувьсгалыг амжилттай хийсэн. Халхын голын дайныг бид сайн мэднэ. Японы эзлэн түрэмгийлэгчид дайрч орж ирэхэд тэд л тусалсан. Бидний тусгаар тогтнолд тус болсон ганц улс. Гэтэл нэр бүхий хүмүүс хоёр улсын зуун жилийн найрамдалт харилцааг хагалан бутаргах зорилгоор удаа дараа цуглаан зохион байгууллаа. Тиймээс эсэргүүцлээ хөнгөн хэлбэрээр илэрхийлж, гурил, өндөг цацсан. 

Эдгээр хүнсний зүйл нь хоргүй байдаг учраас гэмт хэрэг болдоггүй. Үүнийг Э.Бат-Үүл тэргүүтэй хүмүүс хэт дэвэргэж шившлэгтэй, хортой гэх яриа гаргаад байна. Улсын баатар хүн ийм зүйл ярьж байгаад гайхаж байна. Энэ асуудлаар цагдаагийн байгууллагаас намайг шалгаж байгаа. Мэдээж Алтан тариан гурил цацсан. Удахгүй шалгалтын ажиллагаа дуусаад үнэн нь тогтоогдох байх. Тэр цацсан гуриал бол анхааруулга байсан юм шүү. Э.Бат-Үүл ээ. 

Бид дайныг дэмжээгүй. Хамгийн гол нь ОХУ, Монгол Улсын хоорондын 100 жилийн найрамдалт харилцааг таслахгүй байхыг л шаардаж байгаа юм. 

Тэд дахиад жагсаал зохион байгуулна гэж яриад байгаа. Эхний удаа гурилтай очсон бол дараагийн удаа ташууртай очно. Хүмүүжилгүй зан гаргаж, хоёр улсын найрамдалт харилцаанд сэв суулгахаар оролдож байгаа Э.Бат-Үүлийг хүмүүжүүлнэ" гэлээ.