МУГТ Э.Цэндбаатар мэргэжлийн боксод таван тулаан хийж, хожигдолгүй явж байна.

Сонирхогчдын боксын ДАШТ-ий хүрэл медальт, Азийн наадмын аварга, Азийн хошой аварга, Монгол Улсын гавьяат тамирчин Э.Цэндбаатар өнөө өглөө АНУ-ын Нью-Йорк хотын "Sony Hall"-д Мексикийн 32 настай боксчин Эди Валенсиа Меркадотой WBC, NABF Junior Super Featherweight жингийн аваргын бүсний төлөө тулалдав.

11 кг хасч жиндээ орсон "Чингис хаан" хочит Э.Цэндбаатар мэргэжлийн боксын 59 кг-ын жинд хашир туршлагатай мексик өрсөлдөгчтэйгээ 8 үе тулалдаж, шүүгчийн саналаар мэргэжлийн боксын рингэнд зургаа дахь ялалтаа байгуулж аваргын бүс гардсан нь энэ.