Өнөөдөр орон нутгийн цагдаа нар 50 гаруй насны Солонгос эрэгтэйг эхнэрээ хөнөөсөн хэрэгт сэжиглэн шалгаж байгаа гэж мэдэгдлээ.
Сэжигтэн хохирогчийг мягмар гарагийн 01.00 цагийн орчимд Өмнөд Кёнсан мужийн Янсан хотод гэртээ унтаж байхад нь хутгалж хөнөөсөн гэж Янсан хотын цагдаагийн газраас мэдээллээ. Дараа нь сэжигтэн машинаа жолоодон хотын төв рүү явж, өглөөний 07:43 цагийн үед цагдаад дуудлага өгсөн байна.

Сэжигтэн цагдаад мэдүүлэг өгөхдөө "Эхнэр маань өөр хүнтэй харилцаа үүсгэсэн  юм шиг санагдаад их уурласан" учраас ийм хэрэг үйлдсэн гэжээ. Албаныхан түүнийг баривчлах зөвшөөрөл хүссэн бөгөөд юу болсныг нарийвчлан тогтоохоор үргэлжлүүлэн шалгаж байна.
Хохирогч нь сэжигтэнтэй 2016 онд гэрлэж, 2019 онд Өмнөд Солонгосын иргэншилтэй болсон байна. Хохирогч ямар улсын иргэн гэдэг талаар мэдээлэл өгөөгүй байна.

Эх сурвалж: https://m.koreaherald.com/view.php?ud=20240328050706