Хонь: Ажил хэрэгтээ идэвх зүтгэлтэй, нямбай хариуцлагатай байснаар ашигтай захиалга авах, итгэлтэй түншийг өөртөө татах зэрэг боломж гарна. Сэтгэл санааны байдал үе үе өөрчлөгдөх бололтой. Сэтгэлийн дотоод түгшүүр нь хайртай хүнтэйгээ харьцах харилцаанд сөргөөр нөлөөлж болзошгүйг анхаар. Ийм үед аль болох эелдэг найрсаг, боловсон ухаалаг байхыг зөвлөж байна. Төлөвлөж байсан ажил тань санаснаар болно. Мөн тооцоолоогүй яаралтай шийдвэрлэх ажил ч гарч ирнэ. Яарч сандрах, анхаарал сулрах зэргээс үүдэлтэй бага хэмжээний алдаа гаргаж болзошгүй. Мэргэжлийн хүрээлэлдээ хүлээн зөвшөөрөгдөх үйл явдал болно. Ажлын хамтрагчтайгаа эсвэл дарга удирдлагатайгаа зөрчилдөж магадгүй. Гэрээ хэлэлцээр хийх үед бичиг баримттайгаа сайтар танилцаж, няхуур хандаарай. Санхүү мөнгөний тал дээр сайтар төлөвлөж, илүү зардал гаргахгүй байхад онцгой анхаарах хэрэгтэй. Хамгийн чухал ажилдаа анхаарлаа төвлөрүүлж бүх хүчээ зарцуулаарай. Албан ажилдаа анхаарлаа төвлөрүүлж чадахгүй бол ар гэр, амин хувийн асуудалдаа санаа тавих хэрэгтэй. Эрүүл мэндийн хувьд бага зэрэг хямарч магадгүй. Санаа нийлсэн хүмүүстэйгээ хамтарч явган аялал хийх, албан бус уулзалт арга хэмжээ зохион байгуулах зэрэгт тохиромжтой. Танд итгэдэг хүний өмнө маш хариуцлагатай байх хэрэгтэй.         

Үхэр: Чухал ажлын үр дүн нааштай шийдэгдэж зорьсон зорилгодоо хүрнэ. Сурсан ур чадвар чинь багагүй хэмжээний орлого авчрах болно. Хэрэв танд бодож санасан зүйл байгаа л бол түүнийгээ яг одоо хэрэгжүүлээрэй. Таны шийдэмгий байдал, шударга зан тань ажил хэргийн үр дүнд эергээр нөлөөж амжилт олох үндэс суурь нь болно. Уран бүтээлч хүмүүс авьяас билгээ нээн харуулах болон эрдэмтэн судлаач нар шинжлэх ухааны ололт амжилтаа бататгах зэрэгт таатай байна. Бүхий л үед нээлттэй байж өөрийгөө нээн харуулснаар ашиг орлогын эх үүсвэрээ үүсгэж чадна. Магтаал сайшаал, шагнал урамшуулал горилох бололтой. Эртнээс нэлээд хичээсний үр дүнд таатай үйл явдал тохионо. Мөн гэр орны ажлаа амжуулахад таатай үе. Таныг гайхширалд оруулах ямар нэгэн үйл явдалтай учирна. Ажил хэрэгт таны гаргасан шинэлэг санаа дэмжигдэж мэднэ. Гаргасан төлөвлөгөө тань ажил хэрэг болох тухай яригдаж эхэлнэ. Бага зэрэг хичээгээд үзвэл үр дүн нь гайхалтай байхыг од эрхэс сануулж байна. Ойр дотнын хүмүүстэйгээ сайхан харилцаатай байх юм бол ихэнх ажил амжилттай байна. Хайр дурлалд таатай бөгөөд, амгалан тайван байдал ноёрхоно. Хайртай хүнтэйгээ илүү их цагийг өнгөрөө. Аливаа хэрүүл тэмцэл, таагүй явдлаас зайлсхий. Өөртэйгөө зөрчилдөх хэрэггүй. Мөн бусдын үзэл бодолд хэт итгэх байдлаа хяна. Сэтгэл түгшээсэн мэдээлэл дуулах үед шийдвэр гаргаж чадахгүй мухардалд орж, хэн нэгнээс тусламж зөвлөгөө авахыг хүснэ. Таны шаргуу зан, тууштай байдал аливаа саад бэрхшээлийг даван туулахад тусална.

Хамтатгах: Нарийн төвөгтэй ажилд хамаг цаг, заваа гарздах хэрэггүй. Бусдын асуудлаас хол хөндий байж аливаа таагүй зүйлийг өөртөө дуудах хэрэггүй. Жижиг сажиг асуудлыг дэвэргэхгүй байх тал дээр анхаар. Танд олны анхаарлын төвд байх нь маш ихээр таалагдах болно. Гэхдээ гадаад үзэмж гэхээсээ илүүтэй таны зоримог, шулуухан зан чанар бусдын анхаарлыг татах болно. Сэтгэл санааны байдал огцом өөрчлөгдөж магадгүй. Ямар ч тохиолдолд яаруу сандруу шийдвэр гаргах хэрэггүй. Бардам зангаа ялж, өөрийн бурууг ухамсарлан хайртай хүмүүстээ бууж өгөх нь ялагдал биш харин ухаантайн шинж юм шүү. Бүхий л харилцаагаа анхаарах хэрэгтэй. Амьдралын үнэ цэнийг мэдэхгүй тогтворгүй зан гаргаж явсны төлөөс ирэх үед л маш их цаг хугацаа, боломжийг алдсанаа ухаарах болно. Эртнээс төлөвлөсөн ажил заримдаа бүтэлгүйтдэг учраас ямар нэгэн сайн үйлсийг зүгээр л сэтгэлээсээ хийхийг хичээ. Аливаа бүтэх зүйлийн цаг хугацаа нь таарах үед аяндаа зохицуулагдах болно. Хэнэггүй хайнга байдлаасаа болж ажил дээрээ алдаа гаргаж зэмлүүлэхээс болгоомжил. Сэтгэл санаа тогтворгүй байвал стресс, бухимдал үүсэх магадлалтай. Эхэлсэн ажлаа дуусгаж байж шинэ ажлаа төлөвлө. Мөн янз бүрийн нэмэлт ажлуудаа цэгцлэхэд тохиромжтой үе. Ямар ч салбарт ажиллаж чадна гэдгээ харуулахын тулд та байгаа бүхнээ зориулахад бэлэн байна. Мэргэжлийн хүрээнд бага зэрэг саад учирч болзошгүй. Хэн нэгнээс гэнэтийн бэлэг хүлээн авна. Таны үнэнч найз нөхөд туслан, бодит байдал ямар байгааг ойлгуулна. Идэвхтэй, тууштай зан чанар тань бусдыг урам зоригоор тэтгэнэ гэдэгт итгэлтэй байж болно. Хувийн амьдрал болон ажилдаа чухал биш л бол элдэв өөрчлөлт гаргах хэрэггүй.       

Мэлхий: Өмнө долоо хоногийн таагүй уур амьсгал үргэлжилж таны тэсвэр тэвчээрийг сорино. Сайн хамтрагчийнхаа ачаар та үүсэж болзошгүй аюулаас сэргийлж чадна. Таны хувьд ихээхэн хэмнэлт хийх нь удахгүй тодорхой үр дүнг өгөх болно. Томоохон худалдаа наймаа хийхээр төлөвлөсөн бол яарах хэрэггүй. Олон шалтгааны улмаас төлөвлөж байсан зүйлээ хийж чадахгүйд хүрнэ. Нөхцөл байдал муу байгаагаас болж бусад хүмүүстэй харилцаагаа муутгахгүй байхыг хичээ. Долоо хоногийн дундуур алба амины олон ажлыг гүйцэд зохицуулах гэж завгүй гүйсээр эрүүл мэндтэй холбоотой асуудал үүсэж магадгүй. Ажлаа амжилттай явуулах, байр сууриа бэхжүүлэх тал дээр дорвитой арга хэмжээ ав. Төлөвлөгөөний дагуу ажилла. Янз бүрийн асуудлыг хуримтлуулж овоолохгүйгээр дор дор нь шийдвэрлэ. Харин долоо хоногийн сүүлээр албан томилолтоор явах, ажил хэргийн уулзалт зохион байгуулах зэрэгт таатай байхаас гадна шинэлэг арга барил зохиох нь ажлын үр дүнд ихээхэн нөлөөлөх болно. Санхүүгийн байдал урьд өмнөхөөсөө хавьгүй илүү нэмэгдэнэ. Гэр бүлд орлого орж ирснээр сүүлийн үед үүссэн асуудлуудаа шийдвэрлэхэд ихээхэн тус болно. Таныг ямар ч үед өмнөө тавьсан зорилгоо алдахгүй байхыг зөвлөж байна. Хайрын харилцаанд бүсгүйчүүд бүх талаараа азтай байх болно. Найз нөхөдтэйгөө ойрд уулзаагүй бол энэ амралтын өдрийг ашиглан уулзаж нэгэн тааламжтай өдрийг өнгөрөө. Гэр бүлдээ цаг зав гарган хань, үр хүүхэдтэйгээ цагийг сайхан өнгөрөө. Харин залуу хүмүүст өөрийгөө нээн харуулах сайхан цаг үе ирж байна. Цагийг үр бүтээлтэй ашигладаг хүмүүс хичээл зүтгэлийнхээ үр шимийг удахгүй хүртэнэ. 

Арслан: Энэ долоо хоногт ажлаа солих, албан тушаалд горилох зэрэг нь тохиромжгүй байх магадлалтай. Найз нөхдөдөө амласан амлалтаа биелүүлэхгүй бол та хуурамч нэгэн болж мэднэ. Хайртай хүндээ тодорхой цагийг гаргаж, сонирхолтой болзоо төлөвлөөрэй. Ихийг хийх хүсэл тэмүүлэл нөмрөн авна. Илүү ашиг орлоготой байх бизнес эхлүүлэх хүсэл төрнө. Арилжааны салбарт  шинэ эхлэл, шинэ тэсрэлт хийхэд тохиромжтой үе. Шинэ ажил орж ирэн, орлого ихсэх нь таны санхүүгийн асуудлыг төвөггүй шийдвэрлэж өгнө. Ажлын томилолтоор явах нь таны идэвх зүтгэлийг улам нэмэгдүүлнэ. Зарим хүмүүс орлогын шинэ эх үүсгэвэр бий болгоно. Бусдын үйл ажиллагаа, хийж бүтээсэнд үнэлэлт дүгнэлт өгч, өөрийнхөө одоогийн байгаа түвшингээ түүнтэй харьцуул. Удаан хугацааны туршид яригдсаар ирсэн ажил хэргээ бодит болгох боломжийг алдаж болохгүй. Хов жив, хэрэггүй үгэнд автаж ямар буруу үйл ажиллагаанд өртөхөөс сэргийл. Олны нүдэн дээр зохисгүй үйлдэл гаргаснаар нэр хүндэд муугаар нөлөөлөх магадлалтай. Ихэнх нөхцөл байдал төлөвлөсөн ажлын үйл явцыг удаашралтай болгоно. Ямар ч хичээл зүтгэл, сайхан сэтгэл үүнийг сэргээхгүй байх магадлалтай. Бүтэлгүйтэл газар авах юм бол дахин босож чадахгүй мэт сэтгэгдэл төрүүлнэ. Энэ үед найз нөхдийн тусламж дэмжлэг танд юу юунаас ч илүү хэрэгтэйг мэдэрнэ. Тэвчээр хатуужил аливаа хүндрэлийг давахад тусална. Дотнын найзын итгэлийг алдаж, урмыг хугалах хэрэггүй. Хайр дурлалын асуудал бүтэл муутай байвал сэтгэлээр унах магадлалтай. Өөрийгөө аль болох эерэг байдлаар илэрхийлэхэд илүү анхаар.

Охин: Энэ долоо хоногт хариуцлагатай байх нь таны ажлын байрыг тогтвортой байлгахаас гадна нэр хүндийг тань өргөх болно. Зарим нэг муу зуршлаа засчихвал та хамт олны дунд ихээхэн нэр хүндтэй хүн болно. Таны хэнэггүй зан заримдаа өөрийгөө эвгүй нөхцөл байдалд хүргэдэг. Өнгө мөнгөнд хууртаж хийсвэр алдаатай шийдвэр гаргахаас болгоомжил. Үүссэн нөхцөл байдлыг хяналтдаа байлгаж, бусдын тусламжгүйгээр асуудлаа шийдвэрлэж чадна. Хайр дурлалын зөрчил үүсвэл нэлээд хэрүүл шуугиан гарч магадгүй байна. Буруугаа хүлээх чадвар, тэвчээртэй байдал энэ үед дутмаг байж мэднэ. Холбоо харилцаагаа сэргээх, удаан хугацааны туршид уулзаагүй найз нөхөдтэйгөө уулзах магадлалтай. Сонирхолтой ажил таны бүтэлгүйтэл, бүх таагүй зүйлийг аваад одох мэт санагдана. Гэхдээ аливаа харилцаа таны бодож байсан шиг амархан бүтэмжтэй байхгүй. Долоо хоногийн сүүл рүү уран бүтээлч хүмүүс бүх боломжоо ашиглан өөрийн дотоод мэдрэмжээ илэрхийлэх хүсэл нь давамгайлна. Зөн совин болон мэдрэмж өндөр байна. Өөрийн ашиг сонирхлоо идэвхтэй хамгаалах, хэн нэгний нөлөөнд автахгүй байхыг од эрхэс танд зөвлөж байна. Мөнгө санхүүгийн нөхцөл байдлаа тооцож, аливаад хянамгай хандахыг хичээ. Албан хүчээр хийлгэж байгаа мэт оногдсон үүрэг хариуцлагаа хүлээн авах нь сэтгэл зүйгээр унах шалтгаан болно. Аливаад чин сэтгэлээсээ хандахыг зөвлөж байна. Сайн муу бүхэн хослон байх бөгөөд хэрэв та тооцоотой, анхааралтай байж чадвал ямар ч алдаа эндэгдэл гарахгүй байх болно.

Жинлүүр: Долоо хоногийн эхээр ур чадвар гэхээсээ илүү эрх мэдэлд дуртай байдлаас болж ноцтой алдаа гарч болзошгүй. Энэ нь хамт олон болон таны зорилгодоо хүрэх замыг бартаатай, хүндрэлтэй болгоно. Өөртөө боломжийг бий болгож,  санаачилгатай байдлыг гартаа ав. Таны биеийн эсэргүүцэл муу байх тул аливаа аз сорьсон ажил, хүнд хүчир үйлдлээс холуур байхыг зөвлөж байна. Мөн хэн нэгэнтэй муудалцах, сөргөлдөх тохиолдолд танд сөрөг тал их байх болно. Долоо хоногийн дундуур аль болох өөрийгөө тайвшруулахыг хичээж бясалгал  хий. Чөлөөт цаг гарвал сүм хийдэд очин залбирахыг зөвлөж байна. Хувийн амьдралд янз бүрийн асуудал үүссэн ч энэ нөхцөл байдал нь олон хүнийг таньж мэдэхэд их нөлөө үзүүлнэ. Ямар нэг өөрчлөлт хийх хүч чадал байхгүй байсан ч таны өөртөө итгэх итгэл, эр зоригтой байдал амьдралд ихээхэн нөлөөлөх болно. Хамтын ажиллагааг чухалчлах нь маш том туршлага, дадлага болж таны шинэ эхлэл ч болж мэдэх юм. Харин долоо хоногийн сүүлээр ямар нэгэн уулзалт зохион байгуулах, хамтрагчтайгаа уулзах зэргээр цагийг гадуур өнгөрүүлэхэд тохиромжтой. Анхаарал болгоомжгүйгээс үүдэлтэй буруу шийдвэр гаргаж болзошгүй гэж од эрхэс танд сануулж байна. Бусдын үгийг сайн сонсоорой. Өсвөр насны хүүхдээ буруу хүмүүжилтэй хүнд уруу татагдахаас сэргийл. Чөлөөт цагаа гэр бүлээрээ хамт өнгөрүүлэхийг хичээ.   

Хилэнц: Энэ долоо хоногт олон нийтийн үйл ажиллагаа, арга хэмжээ зохион байгуулах, аяллаар явахад тааламжтай байна. Чухал зүйлийг орхигдуулахгүйн тулд бүх зүйлд дүн шинжилгээ хийхийг зөвлөж байна. Итгэл эвдэх, хууран мэхлэх үйл ажиллагаа явагдаж магадгүй. Таны буруу алхам хийх эсэх нь суурь хүмүүжил, зөв ухамсартай байдлаас шалтгаалах болно. Зөн билэг, ид шидэд итгэж найдсаны хэрэггүй. Эргэн тойрны хүмүүсийн санал бодол, зөвлөгөөг анхааралтай сонс. Харилцаанд гарсан асуудал дээр ямар нэгэн дэвшил гарах ч зарим нөхцөл байдлын улмаас тодорхойгүй хугацаагаар шийдэл гарахгүй байх. Зарим ажлаа хойш тавихад хүрнэ. Албан ажил дээр гаргасан ноцтой алдаа нь танд дургүй хэн нэгний явуулга байж болно. Таны алдаан дээр дөрөөлж зорилгодоо хүрэх төлөвлөгөөтэй хүмүүс байж мэдэх юм. Гаргасан шийдвэр тань ч мөн бусдын эрх ашгийн төлөө байх болно. Өөрийн ажил болон амьдралд чухал хамааралтай хүмүүстэй уулзаж ярилцах үед хүлээж байгаагүй нөхцөл байдал үүснэ. Эрч хүч шаардсан ажлын ачаалал таны хувьд амаргүй байна. Долоо хоногийн төгсгөл үед өмнөх ажлаа хийж бүтээхэд илүү ахицтай, тав тухтай байх нөхцөлийг өөртөө бүрдүүлж ажиллавал хүссэн амжилтаа гаргаж чадна. Амьдралын эрч хүч тогтвортой байх тул үйл ажиллагааныхаа цар хүрээг өргөжүүлэх, шинэ үйлдвэрлэл явуулах зэрэг нь ирээдүйн ашиг авчрах болно. Зэрэг зэрэг олон ажил амжуулах гэж яаралгүй, дэс дараатай бөгөөд төлөвлөгөөтэй ажиллах юм бол стресс багатай байж, ихэнх ажлаа амжиж хийж чадна. Залуус хөнгөн хуумгай зангаасаа болж асуудалд орж болзошгүй. Гэр бүлийн тодорхойгүй харилцаа нь таны сэтгэл санааг муутгах тул үүнд бэлэн байгаарай.

Нум: Долоо хоногийн эхээр хэний ч санаанд оромгүй хүнээс маш боломжийн, ашиг авч болохуйц саналыг сонсож мэднэ. Хэн ч бай дэвшүүлсэн санал нь хамгийн шилдэг байх юм бол эрс шийдэмгий шийдвэр гаргах нь таны гол зарчим болох ёстой. Бичиг баримт боловсруулах ажилтай бол маш анхааралтай байхыг од эрхэс сануулж байна. Учир нь таны болгоомжгүй байдлаас болоод ажил хэргийн уулзалт хүссэн үр дүнг авчрахгүй. Гэр бүлийн харилцаанд ч аль болох уян хатан хандахыг хичээгээрэй. Боломж бололцоо гарвал бодсон санаснаа цаг алдалгүй хийж эхэл. Сэтгэл санааны гэнэтийн сөрөг илрэлээс өөрийгөө болон гэр бүлээ хамгаал. Долоо хоногийн дундуур сэтгэл гутралд орж болзошгүй тул сонирхол хөглөх, дуртай зүйлээ хийж өөрийгөө олж авахыг эрмэлз. Өөрийн бодол санаа, хэтийн төлөвөө бүрэн тодорхойл. Амаргүй асуудал ойр дотнын хүмүүст тань тулгарах бололтой. Ганцаар шийдвэрлэж хүч хүрэхгүй бол бусад хүмүүсээс дэмжлэг аваарай. Цагийг нь олж арга хэмжээ авч чадвал энэ бүхэн төдий л аюулгүй байна. Харин долоо хоногийн сүүлээр эрчүүдийн хувьд азаа сорих, мөрийтэй тоглох зэрэг нь амжилт авчрахгүй бөгөөд буруу зуршилдаа донтож мэднэ. Албан шаардлагаар таны эрч хүчийг их шаардсан ажил гарч магадгүй. Хийж буй бүх зүйлийнхээ төлөө хурд хүчээ зориулна. Алс холоос дотно найз зорин ирж гэнэтийн бэлэг барина. Гэнэтийн үйл явдал таныг ихээхэн ядраах тул амрахаа бүү мартаарай. Өөрийн байр сууриа бататгах арга хайх, сонголт хийхэд хүнд байна. Энэ үед хийх үйлдлээс хамаарч таны цаашдын үйл ажиллагаа шийдэгдэнэ. 

Матар: Энэ долоо хоногт ирэх оны ажлын төлөвлөгөөг эртнээс гаргахад анхаар. Амьдралын төлөө зүтгэл, сэтгэл санааны эрч хүч нь зөв шийдвэр гаргахад ихээхэн нөлөөлнө. Таагүй нөхцөл байдалд ажилладаг хүмүүс өөрийн эрүүл мэнддээ анхаар. Биеэ сайн тордохгүй бол болохгүй үе. Харин зарим хүмүүст онцгой нөхцөл байдлын улмаас цалин хөлс тодорхой хэмжээгээр өсөх боломж гарна. Үр хүүхдийн хүмүүжлийн талаар нухацтай анхаарахгүй бол ноцтой асуудалд үүсэхээр байна. Долоо хоногийн дундуур шагнал хүртэх, бэлэг сэлт авах эсвэл хэн нэгэн танд тусламжийн гараа сунгах зэргээр азтай үйл явдал тохиож магадгүй. Гэхдээ бүх зүйлийг аз авчирч өгнө гэж найдах хэрэггүй. Хир өндөрт гарахыг хүснэ тэр хэмжээгээр хүч хөдөлмөр, цаг хугацааг зарцуулна гэдгээ мэдэрч ажил амралтаа зөв хуваарилахыг зөвлөж байна. Харин долоо хоногийн сүүлээр зарим хүмүүсийн бардам зан түрэмгий байдал нь өчүүхэн зүйлийг ч хэрүүлийн гол шалтгаан болгож магадгүй бол зарим нэг хүмүүсийн албан тушаалаа ахиулах хүсэл биелж магадгүй. Танд санхүүгийн чадвар юу юунаас илүү хэрэгтэй тул зорьсон зорилгоо биелүүлэх боломж хай. Аливаа эрсдэлийг үүсгэхгүй байх нөхцөл нь таны үйлдэл байна гэдгийг бүү мартаарай. 

Хумх: Олон хүмүүсийн дунд орж ажиллах шаардлага тулгарна. Энэ нь таныг бүхний анхаарлын төвд байлгах болно. Сайн төлөвлөгөө, судалгааны ачаар таны санасан бүхэн ерөнхийдөө бүтэх магадлал ч байна. Гэхдээ шинээр эхлүүлэх ажил хөрөнгө мөнгөнөөс шалтгаалан түр хойшлогдоход хүрч болзошгүй. Тэвчээргүй байдал, хэтэрхий зарчимч байх зэрэг нь эргэн тойрондоо зөрчилдөөнтэй байдлыг бий болгоно. Биеийн ерөнхий байдал доройтож магадгүй тул хүнд хүчир ажил хийхээс зайлсхий. Хууралт, дайсагнал үүсэж болзошгүй. Сайн танихгүй хүмүүстэй харилцах, ойр байх хэрэггүй. Томоохон наймаа хийхээс татгалзсан нь дээр. Учир нь дараа нь та мөнгөө дэмий үрсэндээ харамсах явдал гарч мэднэ. Гэхдээ ашиг, аз авчрах нөхцөл байдал үүсэж магадгүй. Урам зориг, эрч хүчээр дүүрэн байна. Эргэн тойрноо их анхаарч чадвал урд урдынхаас илүү боломж гарсаар байх болно. Та өөртөө маш итгэлтэйгээр толгой дээгүүр алхах болно. Шийдэж чадаагүй санхүүгийн асуудлаа амжилттай шийдвэрлэнэ. Өмнө хэрэгжүүлсэн ажилтай холбоотой бага зэргийн асуудал үүсэх ч нэг их газар авахгүй шийдвэрлэгдэнэ. Ганц бие хүмүүс заяаны ханьтайгаа учрах магадлалтай. Залуу хүмүүсийн хувьд романтик болзоо хамгийн чухал зүйлийн нэг байх болно. Ахмад настай аав ээжээ баярлуулахад цаг заваа зориулаарай. 

Загас: Энэ долоо хоногт хувийн амьдралд тань бага зэргийн асуудал үүсэж магадгүй юм. Эрүүл мэндээ болон нэр төрөө эрхэмлэх хэрэгтэй. Санхүүгийн буруу зөрүү мэдээлэл нь хуурмаг нөхцөл байдал үүсгэж болзошгүй. Уран бүтээлч, ур дүйтэй хүмүүст амжилтыг ерөөж байна. Өөрт байгаа хамгийн зоригтой бодол санаа, төлөвлөгөөгөө хэрэгжүүлэхэд таатай байна. Олон зочид төлөөлөгч хүлээж авах, баяр ёслол тэмдэглэх зэрэг үйл явдал болж магадгүй. Бусдаас шүүмжлэл, талархал аль аль нь ирэх ч бүгдэд нь сэтгэлийн хөдөлгөөнөөр хандах хэрэггүй. Ажлын түнштэйгээ урд өмнө хийж байгаагүй тохиролцоо хийж магадгүй. Энэ нь таны ажлыг амжилттай, ашигтай явуулах боломж гэж ойлгож болно. Багахан хэмжээний үл ойлголцлоос болж бусдад муу санах хэрэггүй. Хэсэг хугацааны дараа үл ойлголцол эвлэрлээр дуусна. Бусдын шүүмжлэл, зөвлөгөөг эсэргүүцэлгүй хүлээж аваарай. Хэчнээн чухал асуудал байлаа ч бусдын эрх ашгийг хөндөхөөр бол асуудлыг эвээр ойлгуулах зарчмыг баримтлаарай. Сэргэлэн зан, гүйлгээ ухаанаас илүү аливаад ул суурьтай ханддаг зангийнхаа ачаар асуудлаас гарч чадна. Шинэ ажил эхлэх, урт хугацааны төлөвлөгөө гаргах эсвэл хувийн ажлуудаа шийдвэрлэхэд таатай байна. Оюунлаг хүмүүс шинэ содон зүйлийн хойноос мөшгөн, нээлт хийхийг сонирхох болно. Өвөрмөц сонирхдог хүмүүсийн хувьд түүнийгээ хөгжүүлэхэд ихээхэн түлхэц болохуйц хүнтэй уулзаж, таатай цагийг өнгөрүүлнэ