"Volonaut" компанийн бүтээсэн Airbike бол ирээдүйн хувийн нисэх тээврийн шинэ үеийг төлөөлөх цахилгаан нисдэг мотоцикл юм. 
Энэхүү төхөөрөмж нь босоо хөөрөлт, буулт (VTOL) хийх чадвартай бөгөөд ганцаар нисэх боломжийг олгодог. Түүний загвар, гүйцэтгэл нь "Star Wars" киноны хөвөгч мотоцикл (Speeder Bike)-ийг санагдуулам бөгөөд шинжлэх ухааны уран зөгнөлт мэдрэмжийг төрүүлдэг.
2025 оны 4-р сарын сүүлээр Volonaut компани YouTube болон Х (хуучнаар Twitter) платформ дээр Airbike-ийн туршилтын нислэгийн бичлэгийг нийтэлсэн нь 3.8 сая гаруй хандалт авч, олон нийтийн анхаарлыг татсан. Бичлэгт Airbike нь ой мод, элсэн цөл дээгүүр нам өндөрт нисэж буйг харуулсан бөгөөд хэрэглэгчид үүнийг "Star Wars"-ийн бодит хувилбар хэмээн онцолжээ. Гэсэн хэдий ч зарим хүмүүс аюулгүй байдлын асуудал, ялангуяа ослын үед шүхэр байхгүй байдалд санаа зовниж байна.