Сэлэнгэ аймгийн Сүхбаатар сумын Улсын тэргүүний лаборатори IY сургуулийн 1в ангийнхан сэтгэлийн хандиваа зурвасын хамт аймгийн Онцгой комисст илгээжээ.

Дэлхий нийтийг түгшээсэн Ковид-19 халдвараас урьдчилан сэргийлэх үйлсэд бяцхан иргэд маань хүртэл гар бие оролцож байна. Тухайлбал Сүхбаатар сумын Улсын тэргүүний лаборатори IY сургуулийн Ч.Нямаанямбуу баштай 1в ангийн сурагчид, эцэг эхчүүдийн зүгээс 108.000 төгрөг, 120 ширхэг амны хаалтыг аймгийн Онцгой комисст хүргүүлсэн байна. Мөн тус ангийн сурагч Э.Энх-Учрал, М.Хосбаяр нар Онцгой комисс болоод онцгой нөхцөлд ажиллаж байгаа ах, эгч нартаа чин сэтгэлийн үгээ шингээсэн захидлыг илгээжээ.