УИХ-ын 2020 оны ээлжит сонгуульд УИХ-ын гишүүн асан Н.Номтойбаяр бие дааж нэр дэвшихээр болж Үндэсний аудитын газарт мөрийн хөтөлбөрөө хүргүүлээд байгаа билээ.

Тэгвэл тэрбээр өчигдөр /2020.05.04/ Хан-Уул дүүрэгт нэр дэвшинэ гэдгээ мэдэгдлээ.

Тодруулбал, УИХ-ын гишүүн асан Н.Номтойбаяр өчигдөр сэтгүүлч Л.Мөнхбаясгалангийн бэлтгэн хүргэдэг "Цензургүй яриа" нэвтрүүлэгт оролцсон юм. Энэ үеэр Хан-Уул дүүрэгт нэр дэвшинэ гэдгээ зарлалаа.

Тэрбээр "Монголын төрд хэрэггүй гэж үзэж байгаа Ц.Нямдорж мэтийг зайлуулахын тулд Хан-Уул дүүрэгт нэр дэвшинэ. Энэ хүн Монголын төрд хэрэггүй. Улс төрийн цагдаа, улс төрийн хуулийн байгууллагыг бий болгож байна" хэмээн ярьсан юм.