Дэлхийн гурав дахь том эдийн засаг Япон улсын ДНБ энэ оны эхний улиралд 3,4 хувиар агшсан судалгаа гарчээ. "Ковид-19" цар тахлын эсрэг улс орнууд хөл хорио тогтоосноос үүдэлтэй эдийн засгийн байдал Японы ДНБ оны эхний үзүүлэлтэд нөлөөлжээ. Японы ДНБ-ий бараг 50 хувийг эзэлдэг хувь хүний хэрэглээ л 0,7 хувиар буурсан байна. Тухайлбал иргэд гадуур хооллох, аялал зугаалгад явах нь хумигдсан учраас хэрэглээ буурчээ.

Мөн Японы автомашины худалдаа огцом буурсан байна. Дэлхий даяар эдийн засгийн үйл ажиллагаа царцанги байгаагаас экспорт нь 6 хувиар буурсан байна. Эдийн засагчид нь цар тахлын улмаас 4-өөс 6-р сарын хооронд Японы эдийн засаг илүү их хүндрэлтэй тулгарч магадгүйг анхааруулжээ.