– 2020 оны 3 дугаар сарын 15-нд Ням гарагийн Сөүл-Улаанбаатар чиглэлийн чартер нислэгээр очсон манай 2 иргэнээс COVID-19 вирус илэрсэн тухай Монгол Улсын Эрүүл мэндийн яамнаас мэдэгдсэн. Эдгээр иргэд тус ЭСЯ-ны Консулын хэлтэст 12-нд ирж бүртгэлд хамрагдсан. Иймд 12-ны өдөр Консулын хэлтсээр ирж үйлчлүүлсэн иргэд доорх эрүүл мэндийн байгууллагын зөвлөмжийг дагаж мөрдөхийг анхааруулж байна

– БНСУ-ын хууль журмын дагуу Сөүл хотын Юнсан дүүргийн захиргаанаас Консулын хэлтсийн байранд ариутгал, халдваргүйжүүлтийн ажлыг хийж байна. Консулын хэлтсийн ажиллах өдрийг жич мэдэгдэнэ. Энэ хугацаанд итгэмжлэл, иргэдийн бүртгэл, виз сунгуулахтай холбоотой яаралтай үйлчилгээг Пусан дахь Консулын газар цахимаар хийнэ.