Монгол улсын гарамгай баатар Л.Дандарын баатар гавьяаг өгүүлсэн, найруулагч П.Дэлгэрбаярын бүтээл болох “Бууны сумыг буцааж болдоггүй” хэмээх уран сайхны кино өнгөрсөн онд нээлтээ хийсэн билээ. Тэгвэл тус бүтээл энэ сард БНСУ-д “Халх голын тулаан: Японы армийн сүүлчийн өдөр” хэмээх нэртэйгээр гарах ажээ. Мөн удахгүй АНУ, Швейцар, Австри, Бельги, Герман, Канад, Люксенбург зэрэг улсуудад ч мөн нээлтээ хийх юм байна. Бүтээлийн хувьд бидний сайн мэдэх домогт баатар Л.Дандарын тухай өгүүлэх бөгөөд гол дүрд залуу жүжигчин Ж.Алтаншагай тоглосон байна.