Ардын хувьсгалын 99 жилийн ойн улсын их баяр наадамд зодоглох 512 бөхийн цахим бүртгэл өнгөрсөн баасан гаригт (2020.06.26) эхэлсэн билээ. 

Бүртгэл өнөөдөр 17:00 цагаас хаагдана.

Барилдах бөхчүүд МҮБХ-ны албан ёсны пэйж хуудас (Монголын Үндэсний Бөхийн Холбоо - Монгол Бөхийн Өргөө) хаягаар 10-17 цагийн хооронд бүртгүүлэх ёстой.

Мөн аймгуудын баяр наадамд барилдах 128 бөхийн цахим бүртгэл эхэлсэн тул аймагт барилдах залуус тухайн аймгийнхаа Баяр наадмын комисс болон, жаяг дэгийн багтай холбогдож бүртгүүлнэ үү гэж Монголын үндэсний бөхийн холбоо, Үндэсний бөхийн салбар хорооноос мэдээллээ.