Монгол Улсын Ерөнхийлөгч Х.Баттулга зарлиг гаргаж анхдугаар чуулганыг өнөөдөр /2020.06.30/ 12:00 цагт товлон зарлажээ. Анхдугаар чуулган хуралдахын өмнө буюу 11:00 цагт Сонгуулийн ерөнхий хорооноос УИХ-ын сонгуулийн дүн мэдээг өргөн барих аж. Ийнхүү Ерөнхийлөгч Х.Баттулга 2020 оны УИХ-ын сонгуулийн дүнтэй танилцсаны дараа анхдугаар чуулган хуралдах юм. 

Анхдугаар чуулганыг хамгийн ахмад настай гишүүн даргалдаг. Өнгөрсөн парламентад Ч.Улаан даргалж байсан бол энэ удаад Баян-Өлгий аймгаас сонгогдсон Х.Баделхан даргалах юм. Тэрбээр энэ жил 66 нас хүрч байгаа юм.