УИХ дахь МАН-ын бүлэг өнөөдрийн хуралдаанаараа Сонгуулийн ерөнхий хорооны дарга Ч.Содномцэрэн нарын дөрвөн хүнийг үүрэгт ажлаас нь чөлөөлөх эсэх асуудлыг хэлэлцжээ. Бүлгийн гишүүдийн олонх уг саналыг дэмжсэн байна. 

Бүлгийн хуралдаанаас гарсан дээрх шийдвэрийг өнөөдөр хаалтаа хийх УИХ-ын ээлжит бус чуулганы нэгдсэн хуралдаанаар хэлэлцүүлэхээр төлөвлөөд байгаа аж.

УИХ-ын 2020 оны ээлжит сонгуулийн дараахан Монгол Улсын Ерөнхийлөгч Х.Баттулга Сонгуулийн ерөнхий хорооны дарга Ч.Содномцэрэнг ажлаа өгөхийг сануулж байсан билээ.