Харилцаа холбоо, мэдээллийн технологийн салбарын хамгийн том үзэсгэлэн "ICT-EXPO-2020" энэ оны 10 дугаар сарын 9-11-нд "Мишээл экспо" төвд болох талаар Харилцаа холбоо, мэдээллийн технологийн газраас мэдээллээ. 

Энэ удаагийн үзэсгэлэн нь 14 дэх бөгөөд үзэсгэлэнд төрийн болон хувийн хэвшлийн байгууллагууд оролцохоос гадна АНУ-ын ЭСЯ, "Huawei",  "Facebook" компаниуд оролцож, харилцаа холбоо, мэдээллийн технологийн дэвшил, шинэ бүтээгдэхүүн, үйлчилгээг олон нийтэд танилцуулах талаар зохион байгуулагчид мэдээлэв.

Түүнчлэн "ICT-EXPO-2020" үзэсгэлэнд гарааны компаниудыг үнэ төлбөргүй оролцох сонгон шалгаруулалтад урьжээ. Тодруулбал,

• Хамгийн сонирхолтой бүтээгдэхүүн, үйлчилгээтэй гарааны компани,
• Хүнд хэрэгтэй бүтээгдэхүүн, үйлчилгээтэй гарааны компани,
• Хамгийн хөгжилтэй бүтээгдэхүүн, үйлчилгээтэй гарааны компани,
• Хамгийн инновацилаг бүтээгдэхүүн, үйлчилгээтэй гарааны компани,
• Хамгийн үзүүштэй бүтээгдэхүүн, үйлчилгээтэй гарааны компани зэрэг номинациар сонгон шалгаруулах талаар Харилцаа холбоо, мэдээллийн технологийн газраас мэдээллээ.