Коронавирусний халдвар Европоос гадна Азид нэмэгдэж байна. БНСУ-д л гэхэд хоногт хамгийн олон тохиолдол бүртгэгдсэн өдөр нь бямба гараг байжээ. Бямба гарагт хоногт 950 хүн өвчилсөн байна.

Өмнөд Солонгост халдварын голомтуудын гурав нь сүмийн үйл ажиллагаатай холбоотой байжээ. Сүмд байсан хүмүүс амны хаалт зүүлгүйгээр дуулсан, амттан хувааж идсэн гэсэн өгүүлэмжтэй байгаа аж. 

БНСУ-ын Халдварт өвчин судлалын төвөөс мэдээлснээр тус улсад нийт өвчлөл 41736 болж, 578 хүн нас бараад байна. Эдгэрсэн хүний тоо 31493 болжээ.

Манай улсын хувьд маргааш 34 байгууллага үйл ажиллагаагаа эхэлнэ. Иймээс иргэд та бүхэн сонор сэрэмжтэй байж, төр засгийн байгууллагын авч хэрэгжүүлж байгаа арга хэмжээг дагаарай. Улаанбаатар хотод багц голомтууд байгаа учир бүх хүн эрсдэлтэй гэсэн үг юм. ДЭМБ-ын ерөнхий захирлын мэдэгдсэн “Дэлхийд нэг хүн, нэг оронд коронавирусний халдвар байхад бүх дэлхийгээрээ эрсдэлтэй” гэсэн үгийг санаарай.