Японы нийслэл Токио хотод ням гарагт коронавирусний халдварын 4295 тохиолдол шинээр бүртгэгдлээ гэж тус хотын засаг захиргаанаас мэдэгджээ.

Үүнийг долоо хоногийн өмнөхтэй харьцуулахад 229-өөр нэмэгдсэний зэрэгцээ Японы нийслэлд ням гарагт бүртгэгдсэн хамгийн өндөр үзүүлэлт болж байна. 

Токиогийн холбогдох албаны төлөөлөгчдийн мэдээлснээр, халдвар авсан 251 өвчтөний биеийн байдал хүнд байгаа нь өмнөх өдрийнхөөс зургаагаар нэмэгджээ.

Ингэснээр халдварын ийм тохиолдлын тоо зургаан өдөр дараалан хамгийн өндөр үзүүлэлтэд хүрсэн байна.