Солонгос улс дахь Монголчуудын мэдээллийн нэгдсэн сайт "www.Olnodo.com"-ийн үүсгэн байгуулагчдын нэг сэтгүүлч Г.Төгсням нь МСНЭ-ийн "Ган Үзэгтэн" шагналаар шагнагдлаа.

МСНЭ-ийн "Ган үзэгтэн" шагнал нь тухайн жилийн олон түмний анхаарал татсан, ач холбогдол бүхий бүтээл туурвисан сэтгүүлчид олгодог сэтгүүл зүйн салбарын үнэ хүндтэй шагнал билээ. Г.Төгсням нь өнгөрч буй 2021 ондоо "Олнодо" Солонгос Мэдээний Тойм, "Зочин эмч" гэх мэт Солонгос улсад ажиллаж амьдарч буй Монголчууддаа зориулсан контентуудыг бэлтгэн хүргэхийн зэрэгцээ гэмт хэргээс урьдчилан сэргийлэх "Нэг хором, Зөв эргэлт" аян, "Эх орондоо маск хандивлах аян" гэх мэт олон төсөл хөтөлбөрүүдийг санаачлан хэрэгжүүлсэн амжилтаараа энэхүү шагналыг авсан байна.

БНСУ-д үйл ажиллагаа явуулж буй албан ёсны мэдээллийн редакцуудыг төлөөлөн "Ган үзэгтэн" болсон сэтгүүлч Г.Төгснямдаа баяр хүргэхийн зэрэгцээ үг нь мэргэн, үзэг нь хурц, үйлс нь арвин байхын ерөөл өргөе. 

Солонгос улс дахь Монголчуудын мэдээллийн нэгдсэн сайт www.Olnodo.com 

Холбоо барих : 010-8531-7971, 010-5314-4108, 8900-7440

Email : olnodo@gmail.com